Глобалниот гигант за брза храна Мекдоналдс го прифати Биткоинот како начин на плаќање во своите ресторани погодни за криптовалути во швајцарскиот град Лугано.
Магазинот Биткоин објави едноминутно видео кое покажува како храната се нарачува во дигитален киоск на Мекдоналдс и се плаќа со помош на мобилна апликација. Логото Tether можеше да се види веднаш до симболот за биткоин на машината за кредитни картички.
Потегот на компанијата следи по одлуката на градоначалникот на Лугано да ги прифати Bitcoin и Tether како „де факто законско средство за плаќање“ во градот. Во март, на жителите на Лугано им беше дозволено да плаќаат даноци користејќи криптовалути.
Според проектот на градоначалникот, се очекува плаќањето во криптовалути да се прошири и на билети за паркирање, јавни услуги и студентски такси.
🇨🇭 McDonald’s is lovin’ it 🧡 #Bitcoin pic.twitter.com/S1jOKbxUFx
— Bitcoin Magazine (@BitcoinMagazine) October 4, 2022
