Поранешната жена на Џеф Безос, Мекензи Безос, ќе даде половина од своето богатство во добротворни цели. Основачот на Amazon се разведе пред неколку месеци, а Мекензи сега има 4% удел во компанијата или 37 милијарди долари, пишува BBC.
Со овој чекор таа ќе им се придружи на уште неколку милијардери, како инвеститорот Ворен Бафет и основачот Microsoft Бил Гејтс, кои ја започнаа кампањата за донации Giving Pledge.
Бафет и Гејтс преку кампањата ги повикуваат останатите богати луѓе да донираат поголем дел од своите пари.
Досега на Giving Pledge листата се имаат приклучено 204 индивидуалци, двојки и фамилии од 23 земји. Џеф Безос не е еден од нив.
Фото: Facebook
