Мерцедес гради фабрика за мотори за електрични возила во Романија

77

Компанијата Мерцедес-Бенц започна со изградба на фабрика за производство на мотори за електрични возила во Романија, вредна 135 милиони евра.

Фабриката ќе биде изградена во Себеш, во централна Романија, а треба да биде завршена до 2024 година, пишува Romania insider.

Во него, локалните подружници на Mercedes-Benz, Star Assembly и Star Transmission, ќе произведуваат електрични мотори за новата линија на електрични автомобили со батерии.

Како што се наведува, групацијата Мерцедес веќе инвестирала речиси 600 милиони евра во производствен капацитет, особено во фабриката за менувачи во Себеш.

Така, осум-брзински автоматски менувачи со двојна спојка, како и менувачи со девет брзини за Mercedes-Benz, се склопуваат во Star Assembly, а Daimler Group, преку своите две подружници во Романија, Star Transmission Cugir и Star Assembly Sebes, има повеќе од 3.000 вработени.

Фото: Pixabay