Имајќи предвид дека е придружена со епитетот на најсилна европска економија, Германија сега е во раздор – во однос на нивото на „безбедност“ што го имаше во однос на изворите на енергија, расходите/приходите, цените на храната.
Банките не се особени оптимисти, бидејќи предвидуваат мрачен развој на настаните за германските домаќинства во наредните месеци.
Имено, според нивната пресметка, 3.600 евра нето месечно веќе не се доволни за едно домаќинство, иако медиумите кои го известуваат не наведуваат колку членови има во тоа домаќинство, пишува магазинот Феникс.
Анализите на банкарската групација покажуваат дека 60 отсто од домаќинствата веќе го трошат целиот месечен приход и дел од заштедите само за покривање на животните трошоци.
Хелмут Шлевис, претседател на Здружението на германски штедилници, го соопшти ова на прес-конференција на почетокот на неделата.
Досегашната проценка на состојбата на повеќе од 300.000 правни лица покажа дека на домаќинствата – кои заработуваат помалку од 3.600 евра нето месечно, а со оглед на моменталната состојба – немаат пари на крајот на месецот.
Шлевис итно ја советуваше федералната влада да ги земе предвид тие групи на приходи во пакетите за помош што доаѓаат наскоро. Потсетуваме дека на 4 септември првата европска економија одобри трет, дарежлив пакет помош, но многу експерти се скептични околу тоа колку тоа ќе „вроди со плод“.
Феникс понатаму наведува дека „воздржаното однесување на потрошувачите негативно ќе влијае на малопродажбата и општата економија во земјата“.
Според Шлевис, не само приватните домаќинства, туку и бизнисите, може да ги достигнат своите егзистенцијални граници поради инфлацијата и високите цени на енергијата. Банките затоа апелираат да се ограничат цените на енергенсите.
Домаќинствата и компаниите исто така треба да го направат „својот дел“ и да заштедат најмалку 20 проценти од енергијата, а повеќе да се потпираат на обновливите извори на енергија.
