Францускиот претседател Емануел Макрон на церемонијата во Париз на која присуствуваа суперѕвездата Бијонсе и ко-основачот на Tesla, Илон Маск, му го додели највисокото признание во земјата на милијардерот Бернард Арно, извршен директор на LVMH, објавија француските медиуми.
Дочекот во Елисејската палата во чест на најбогатиот човек на светот, кој беше награден со Големиот крст на Легијата, француските власти не го најавија ниту на социјалните мрежи, ниту на друго место. Ниту канцеларијата на Макрон, ниту LVMH не одговорија на барањето на Ројтерс за коментар. Арно, кој ја изгради најголемата светска империја на луксузни стоки и контролира некои од најгламурозните брендови во модата, вклучувајќи ги Луј Витон и Кристијан Диор, воспостави блиски врски со францускиот претседател.
Отвори голем број фабрики низ Франција во текот на изминатите неколку години
Главниот извршен директор на LVMH отвори многу фабрики низ Франција во текот на изминатите неколку години за да ги ревитализира руралните области со добро платени работни места за производство на кожни производи, што владата го посочи како доказ за успехот на неговата политика.
Фото: Facebook