Владат на Федерацијата Босна и Херцеговина донесе сет закони и мерки кои ќе овозможат речиси двојно зголемување на приходите на работниците, кои во иднина би требало да изнесуваат повеќе од 600 евра, додека работодавачите ќе бидат ослободени од плаќање на дел од придонес.
Новата минимална плата е воведена како дел од пошироката фискална реформа, која вклучува збир на нови законски регулативи кои имаат за цел да го потиснат црниот пазар и да го олеснат товарот на економијата.
Премиерот на Федерацијата Босна и Херцеговина, Нермин Никшиќ, објасни дека овие закони се клучни за создавање поповолни услови за водење бизнис и зајакнување на економската стабилност. Воведувањето минимална плата од 1.200 марки (околу 600 евра), заедно со новите фискални мерки, претставува значаен чекор кон социјално поправеден систем и подобра заштита на работниците.
Минималната плата во моментов е околу 310 евра
Министерот за финансии на Федерацијата на Босна и Херцеговина, Тони Краљевиќ, кој е и вицепремиер, истакна дека со новиот закон за фискализација, чија примена е планирана за почетокот на 2025 година, се воведува централна платформа за следење на финансиските трансакции, која има за цел да спречи даночно затајување и да го намали црниот пазар.
Вицепремиерот на Федерацијата на Босна и Херцеговина, Војин Мијатовиќ, истакна дека, покрај законот за минимална плата, Владата ќе донесе и регулатива за приходите на работниците со цел да се обезбеди соодветна заштита на оние со приходи под моментален минимум.
Минималната плата во Федерацијата БиХ во моментов е 619 марки (околу 310 евра). Со овие измени на работодавачите ќе им се олесни бизнисот со ослободување од плаќање на дел од придонесот за плата.
