Фото: Bluemont
NOAQ Boxwall е мобилна брана што спречува поплави во урбани средини коишто се прекриени со површини од асфалт и бетон.
Лесно и брзо се монтираат, а за да бидат стабилни ја користат тежината на водата од којашто треба да се одбранат. Високи се 50 сантиметри, а тежат 3,5 килограми, но кога ќе надојде водата, таа со својата тежина ја држи браната на своето место.
Браните се спојуваат една со друга и потоа се фиксираат со стеги. Должината на браната зависи од потребите на теренот, а може да се поставува и на одредени кривини за да се зголеми заштитата од поплави.
Овие брани ги изработува компанијата Bluemont од Австралија.
