Во јануари во колективно сместување во Црна Гора се реализирани 29,5 илјади пристигнувања и 69,58 илјади ноќевања на туристи, покажуваат прелиминарните податоци на Монстат.
„Од вкупниот број ноќевања во колективно сместување, 71,9 отсто оствариле странци, а 28,1 отсто домашни туристи“, се наведува во соопштението.
Во структурата на ноќевањата по типови на туристички места во јануари, најмногу ноќевања има во крајбрежните градови 57,6 отсто, главниот град 21,3 отсто, планинските градови 14,3 отсто и другите градови 6,8 отсто.
Во колективните сместувачки капацитети спаѓаат хотели, пансиони, мотели, туристички населби, одморалишта, хостели и кампови, а не спаѓаат индивидуалните, таканаречени приватно сместување – сместување во куќи и соби за издавање, како и во туристички апартмани.
