Хаосот на пазарот на воздушен и поморски транспорт на стоки ќе трае „многу, многу долго“, оцени данскиот шпедитер DSV. Пандемијата Ковид -19 ги принуди владите ширум светот да затворат продавници и погони и да забрануваат собири, а луѓето се насочија да нарачуваат стоки преку Интернет.
Бранот на побарувачка на стоки за широка потрошувачка ги оптовари глобалните синџири на снабдување и логистичкиот капацитет, а притисокот е засилен со отворањето на економиите по олабавувањето на корона мерките.
Ова доведе до рекордно високи патарини, а ситуацијата се влоши во последните месеци и во воздушниот и во поморскиот транспорт, се вели во извештајот за деловните резултати во третиот квартал дански DSV.
„Престанав да го користам зборот „нормализација“. Ако нормализацијата значи дека ќе се вратиме на пазарот како што го знаевме во 2018 и 2019 година, мислам дека тоа нема да се случи – барем не за многу, многу долго време“, рече извршниот директор Јенс Бјорн Андерсен.
Ситуацијата е особено тешка на големите пазари како што се САД, каде што десетици бродови се „заглавени“ во пристаништата во Лос Анџелес и Лонг Бич и не можат да растовараат товар.
Третиот шпедитер во светот речиси ги удвои своите приходи во третиот квартал, на 49,56 милијарди дански круни (6,66 милијарди евра).
