Фото: Pixabay
Артур Каработ од Кралскиот колеџ за уметност од Лондон направи камера што користи аудио и визуелен фидбек за да им помогне на музичарите да го подобрат нивното држење и техника, пишува Dezeen.
Користејќи го Musician’s Mirror изведувачите избираат делови од нивното тело за да ги следат и предупредат за добри или лоши позиции и е прилагодлив за различни инструменти. Камерата ги снима музичарите и им дава повратни информации кога ќе направат однапред дефинирана лоша навика.
Камерата се поврзува со таблет или паметен телефон, а музичарот избира кој дел од неговото тело треба да се следи. Ако позицијата на музичарот е лоша тогаш на паметниот телефон ќе се појави аудио повратна информација.
