Многу европски земји оваа година се соочија со недостиг на работна сила. Според неодамнешниот извештај на Институтот за истражување на пазарот на труд, Германија има потреба од 400.000 имигранти годишно за да одржува константен број вработени на пазарот на трудот, а во сличен проблем е и Велика Британија.
Главна причина за слободните работни места е малиот број на стручни лица од одредени занаети и области.
Фризери
Услугите на фризерите во странство се екстремно прескапи, а тамошните клиенти се многу навикнати на високи цени. Причината за тоа е неможноста да се најде добар фризер меѓу странските работници, а цените се превисоки.
Ако само класична машка фризура е околу 20 евра, тогаш јасно е колкави се цените на другите услуги.
Градежници
Градежниците досега добро се снаоѓаат во земјите од Европската Унија. Градејќи во Германија, Австрија или Англија, тие заработуваа 3.000 евра месечно, а новите планови на ЕУ сега би можеле да бидат вистинска мека за занаетчиите.
Намерата на ЕУ е сопствениците на имот кои го изнајмуваат својот имот да го реновираат, со цел да се подобри енергетската ефикасност и изолацијата. Практично, според предлогот на ЕУ, до 2027 година треба да се реновираат сите јавни и ненаселени објекти, а до 2030 година становите и куќите.
„Правилно е да се подигнат стандардите за градба на недвижен имот за да се заштити климата. Сепак, предлогот на ЕУ е немудар и вознемирувачки бидејќи се зборува за реновирање на милион куќи во наредните години. Денеска нема кој да ја работи оваа работа, што вели дека градежните цени ќе експлодираат“, изјави за Билд Аксел Гедашко, претседател на Сојузната асоцијација на германските станбени компании и компании за недвижности.
Готвачи
Поради недостиг на квалификувани работници, сопствениците на ресторани во Велика Британија се принудени да понудат плата и награда од 1.000 фунти само за да ги убедат готвачите и другиот персонал во кујната да аплицираат за работа, пишува Гардијан.
Брегзит и пандемијата имаа огромно влијание врз угостителската индустрија бидејќи персоналот што досега работеше се враќа дома, во земјите од кои дојдоа, оставајќи ги сопствениците на Велика Британија без работници.