Досега, автобуската индустрија во Германија претпоставуваше дека до 2030 година ќе има недостиг од околу 76.000 возачи на автобуси. Германското здружение на автобуски превозници (БДО) повторно објави нови бројки во неделата. Според нив, до 2030 година во Германија ќе има недостиг од 87.000 возачи на автобуси.
Според истражувањето, на автобуските превозници моментално им недостигаат речиси 7.800 луѓе.
„Како дел од пресвртот во транспортната индустрија, мора да бидеме подготвени за двојно зголемување на бројот на патници“, вели Патрик Оршулко, службеник за правни работи и туризам во БДО, пишува списанието Феникс.
Многу транспортни компании мораа да се префрлат на намалено работно време за време на пандемијата на коронавирусот, бидејќи долги патувања со автобус не беа возможни.
Затоа, многу возачи ја напуштија камионската индустрија и го влошија веќе хроничниот недостиг на работна сила. Поради тоа, многу компании беа принудени да одбијат одредени патувања или учество на тендери.
Потребно е намалување на бирократијата
Здружението повикува на поедноставување на регулативата и намалување на бирократијата во обуката на возачите на автобуси.
Во Германија обуката е поделена на два дела: од една страна идните возачи мора да имаат возачка дозвола за автобус. Од друга страна, тие мора да го завршат т.н професионална обука на возачи која им овозможува превоз на патници.
Затоа БДО бара овие две обуки да се комбинираат. Со обуката „2 во 1“, возачите на автобуси би биле подготвени за акција по теоретскиот и практичниот испит“, се вели во соопштението на здружението.
Плати на возачи на автобус
Во Баден-Виртемберг, како возач на автобус можете да сметате на највисок месечен приход од околу 3.122 евра. Најниска плата има возач на автобус во Саксонија со просечен бруто месечен приход од 2.736 евра.
Според тоа, платите се разликуваат во зависност од тоа во која сојузна држава живеете, но и од даночната група, како и од должината на стажот.
Според информациите од специјализираните портали за плати, возачот на автобусот има месечна бруто плата од 2.535,72 евра. Според тоа, саатницата е 15,82 евра, а просечниот годишен приход е 30.428,60 евра.
Многу е важно да се наведе дека возачите во Германија можат да очекуваат повисоки плати во иднина. Доколку синдикатите во многу градови во Германија бидат задоволни, возачите на автобуси во следниот период може да очекуваат и до 500 евра повисоки плати.
Фото: Pixabay
