Извозот на кафе во светот минатата година достигна вредност од 30 милијарди долари, покажуваат податоците на World’s top exports.
Бразил е лидер во светот со реализирани 15% од вкупниот извоз на кафе во светот, од којшто лани инкасираше 4,6 милијарди долари. Податоците покажуваат дека, освен Бразил, уште седум земји од извоз на кафе заработија над милијарда долари: Колумбија (2,6 милијарди долари), Швајцарија (2,5 милијарди долари), Виетнам (2,4 милијарди долари), Германија (2,3 милијарди долари), Италија (1,7 милијарди долари), Франција (1,2 милијарди долари) и Хондурас (1,1 милијарди долари).
Од земјите во регионот, најголем извозник е Бугарија, којашто е на 35-то место со извоз на кафе во висина од 86 милиони долари. Потоа следуваат: Словенија (67,3 милиони долари), Грција (20,6 милиони долари), Хрватска (16,5 милиони долари), Србија (7,7 милиони долари) и Босна и Херцеговина (5,7 милиони долари).
Македонија е 97-ма во светски рамки со извоз на кафе во вредност од нешто над два милиони долари.
Фото: Pixabay