На шалтерите на Пошта може да се извршуваат нови услуги

68

АД Пошта на Северна Македонија соопшти дека согласно потпишаниот договор со Халк Банка, покрај постоечките услуги, на нивните шалтери може да се извршуваат нови услуги.

Почнувајќи од вчера, 27 јули 2021, на нивните шалтери може да извршуваat следните услуги: уплата со уплатница (обрaзец ПП10) за физички лица, исплата на пензија на физички лица резиденти со налог за исплата на готовина (образец ПП40), единствено за исплата на пензија од трансакциска сметка на физички лица-резиденти кои пензијата ја примаат на трансакциска сметка во Халк Банка АД Скопје.

Може да се изврши пренос на средства од една на друга сметка со налог за пренос на средства (образец ПП30), безготовинско плаќање на јавни давачки (од сметката на клиентот кон трезорска сметка со налог за плаќање на јавни приходи (образец ПП50), безготовинско префрлање на средства од налогодавачот кон повеќе примачи (образец ПП53).

Досега на шалтерите на единиците на поштенска мрежа на цела територија на државата можеше да се изврши уплата на режиски трошоци, уплата на дневен пазар од правни лица, уплата на јавни давачки со образец ПП 50.