На пазарите на нафта, цените на барелот благо ослабнаа, и тоа брент за 0,1 отсто, на 77,47 долари и WTI за 0,2 отсто, на 73,16 долари.
Индексот на доларот, кој го мери курсот на доларот во однос на шесте најважни светски валути, утринава изнесува 104,14 поени, откако во вторникот ослабна на најниско ниво во речиси два месеци од 103,99 поени.
Неодамнешното јакнење на доларот во следните 12 месеци може да попушти, велат валутни стратези во анкетата на Ројтерс, кои генерално се согласија дека зелената банкнота е преценета.
„Ако инфлацијата остане, тоа можеби нема да го притисне ФЕД да ги зголеми каматните стапки, но ќе го принуди пазарот да ги преиспита своите очекувања за тоа колку генерално трпеливиот ФЕД навистина ќе ги намали стапките оваа година, а времето полека истекува. Со податоците за инфлацијата , лошите вести за економскиот раст веројатно ќе имаат директно негативно влијание врз доларот доколку не се засили загриженоста за рецесија“, рече Дараг Махер од HSBC.
Курсот на јенот во вторникот достигна највисоко ниво во последните две недели од 154,55 јени, а утринава донекаде ослабна, па доларот се тргува за 155,48 јени. Курсот на еврото, пак, ослабе за 0,32 отсто во однос на доларот, на 1,0877 долари.