Oткако вчера скокнаа за повеќе од 3,5 проценти, цените на нафтата паднаа и утрово. На лондонскиот пазар, цената на барелот Брент се намали за 1,41 процент, на 102,80 долари, додека на американскиот пазар, цената на барелот се намали за 1,30 проценти, на 90,30 долари.
Доларот ослабе
На валутните пазари, од друга страна, вредноста на американскиот долар во однос на кошничката валути падна.
Индексот на доларот, кој ја покажува вредноста на американскиот долар во однос на шесте најважни светски валути, утрово е околу 102,05 поени, додека вчера во ова време беше 102,25 поени.
Во исто време, курсот на доларот во однос на јапонската валута се лизна од вчерашните 158,25 на 158,05 јени.
Американската валута исто така ослабе во споредба со европската, па цената на еврото достигна 1,1225 долари, додека вчера во ова време беше 1,1205 долари.
И покрај ова, еврото е на патот на загуби во однос на доларот петта недела по ред, што е најмногу последица на фискалната и политичката ситуација во Франција. Во последните пет недели, еврото изгуби околу 3 проценти во вредност во однос на доларот, па затоа неговиот курс е на најниски нивоа во последните 17 месеци.