500-те најбогати луѓе во светот на листата на милијардери на Блумберг изгубија вкупно 208 милијарди долари за еден ден откако новите царини на Трамп ги потресоа светските пазари.
Ова е четврти најголем еднодневен пад на богатството во историјата на листата на милијардери на Блумберг и најголем од врвот на пандемијата на корона вирусот.
Повеќе од половина од милијардерите на листата на Блумберг забележаа пад на нивното богатство во просек за 3,3 отсто по вчерашниот ден.
Основачот на Meta, Марк Цукерберг загуби најмногу – 17,9 милијарди долари – откако акциите на неговата компанија паднаа за 9 отсто, пишува Bloomberg.
Џеф Безос изгуби 15,9 милијарди долари бидејќи акциите на Amazon исто така потонаа за 9 отсто за еден ден.
Илон Маск загуби 11 милијарди долари, со што вкупните загуби од почетокот на годината до денес достигнаа 110 милијарди долари.
Фото: Pixabay