Најекслузивна страница: Пристап од 60 секунди за само еден посетител

2

sl

Штом еднаш се објави документ, фотографија, текст или видео на интернет, илјадници луѓе може да ги погледат во ист момент. Тоа е одлична можност за рекламирање на брендови, особено доколку промовираат нов вид на производ или услуга.

Но, Џастин Фоли одлучи да направи интернет страница којашто е сосема спротивна од овие принципи. Тој ја креираше интернет страницата Most exclusive website.com, пишува порталот Ubergizmo.

Толку е ексклузивна оваа страница што овозможува само еден посетител во реално време, а на тој посетител му е дозволено на сајтот да остане 60 секунди, за да може следниот корисник да влезе.

Слична ваква страница беше отворена во 2011 година, а пристапот до истата бил ограничен само за лица кои имаат Twitter профили. Страницата беше функционална околу два месеца, а потоа корисниците добија порака дека експериментот заврши.

Околу 300.000 лица се обиделе “да застанат во ред“ и да влезат на оваа страница, но голем број луѓе немаат доволно трпение за да го дочекаат својот ексклузивен влез на оваа страница.

Доколку имате доволно трпение за да почекате неколку часови, а можеби и неколку денови, откако ќе влезете може да оставите коментар за да докажете дека сте влегле.