Германскиот производител Фолксваген минатата година продаде повеќе од 1,3 милиони автомобили на Стариот континент.
VW убедливо ја предводеше листата на најпродавани брендови пред Toyota и Audi.
Од кинеските марки, најголем број автомобили продаде МГ.
Jato Dynamics објави податоци
Според последните податоци на JATO Dynamics, во 2023 година во Европа се продадени речиси 12,8 милиони нови возила, што е на пазарно ниво од пред 10 години. Volkswagen минатата година повторно беше најпродавана марка на европскиот пазар, а германскиот гигант продаде повеќе од 1,34 милиони автомобили и во исто време оствари раст од 12 отсто во однос на резултатот постигнат во 2022 година.
Зад Volkswagen, на листата на најпродавани марки е Toyota со 819.544 продадени примероци, додека третата позиција му припадна на Audi, која испорача повеќе од 730.000 автомобили во 2023 година.
BYD расте „како луд“
Најголем процентуален раст од 196 отсто, кога се во прашање „популарните“ брендови, остварил кинескиот BYD, но Кинезите продале нешто помалку од 16.000 автомобили, па растот од тој аспект сè уште е занемарлив. Поконкурентен беше некогашниот британски, а сега кинески бренд MG. Овој бренд продаде повеќе од 230.000 автомобили во Европа со исто така рекорден раст од 105 проценти. Од оваа бројка, МГ забележа повеќе од 90.000 испораки на компактниот SUV модел ZS, кој може да се најде на некои пазари во ЕУ по цена под 15.000 евра.
Добар продажен резултат забележаа и: Tesla (56 отсто раст), Suzuki (+43%), Cupra (+41%), Mazda (+30%), Škoda (+26%) итн.
Најпродаван модел во Европа минатата година беше Tesla Model Y со испорачани повеќе од 250.000 примероци, пред Dacia Sandero (234.000) и Volkswagen T-Roc (204.000). Со оглед на трендот на опаѓање на продажбата на електрични автомобили, Tesla добро ќе ја памети 2023 година, која тешко ќе се повтори во блиска иднина, пренесува Klix.
Топ 25 најпродавани брендови во 2023 година
Volkswagen – 1.343.740 (+12%)
Toyota – 819.544 (+8%)
Audi – 730.690 (+19%)
BMW – 725.083 (+12%)
Mercedes – 702.886 (+9%)
Renault – 678.236 (+17%)
Škoda – 674.464 (+26%)
Peugeot – 635.176 (+3%)
Kia – 555.033 (+4%)
Ford – 551.939 (+1%)
Dacia – 550.889 (+17%)
Hyundai – 528.645 (+3%)
Opel/Vauxhall – 455.762 (+6%)
Fiat – 373.249 (-3%)
Citroen – 368.973 (-2%)
Tesla – 362.300 (+56%)
Nissan – 291.178 (+23%)
Volvo – 286.760 (+16%)
Seat – 245.545 (+21%)
MG – 231.818 (+105%)
Cupra – 199.985 (+41%)
Suzuki – 187.701 (+43%)
Mini – 185.143 (+8%)
Mazda – 180.854 (+30%)
Jeep – 126.093 (+23%)
