Најскапиот подвижен дом на светот конечно се најде на пазарот во Дубаи. Луксузната куќа на тркала се продава по цена од неверојатни 3,1 милиони долари.
Подвижниот дом eleMMent Palazzo е долг 12 метри, а го изработи австриската компанија Marchi Mobile.
Надворешниот дел е покриен со злато, додека во внатрешноста има изобилие на врвни луксузни елементи како што телевизор со 40 инчен рамен екран, коктел соба за релаксација, камин, мастер спална соба и подно греење. Домот на тркала може дури и да се чисти сам.
На горниот кат се наоѓа големата спална соба, комплетирана со прозорци и уметнички цртежи по ѕидовите. Најгоре, просторот по желба се трансформира во коктел бар кој нуди прекрасна глетка при возењето.
Подвижниот дом eleMMent може да се прошири само со допир на копче и при тоа да се добие поголем простор и комоција во внатрешноста.
