Според податоците на Euromonitor International Macro Model, највисока инфлација се очекува во Аргентина, 54 отсто, потоа Турција со 31,5 отсто, потоа Иран со 27 отсто, Нигерија со 25,2 и Египет со 17,1 отсто. Најниска инфлација се очекува во Швајцарија – само 0,8 отсто.
Аргентина минатата година беше рекордер по инфлација, која изнесуваше неверојатни 300 проценти годишно. Цените едноставно експлодираа.
Изгледите за декември и јануари покажуваат дека таа може да биде многу пониска оваа година. Една од главните цели на аргентинската влада е да ја намали инфлацијата што ја мачи оваа економија. Има одредени прогнози дека годинава таа би можела да биде и пониска од претходно споменатата бројка, со економски раст од четири отсто.