Бројот на работниците во индустријата во февруари годинава, во однос на истиот месец лани, е намален за 4.1 отсто, соопшти Државниот завод за статистика.
Гледано по сектори, бројот на работниците во секторот Рударство и вадење на камен во февруари 2025 година, во однос на февруари 2024 година, бележи опаѓање од 2.3 %, во секторот Преработувачка индустрија од 4.3 посто и во секторот Снабдување со електрична енергија, гас, пареа и климатизација од 1.5 посто.
Според главните индустриски групи, бројот на работниците во индустријата во февруари 2025 година, во однос на февруари 2024 година, бележи опаѓање кај Енергија за 2.6 посто, кај Капитални производи за 6.3 %, Интермедијарни производи, освен енергија за 1.3 посто и Нетрајни производи за широка потрошувачка за 6.3 посто, додека пораст бележи кај Tрајни производи за широка потрошувачка од 18.0 посто.
Бројот на работниците во индустријата во периодот јануари – февруари 2025 година, во споредба со првите два месеца од 2024 е помал за 3.8 посто.
Фото: Pixabay