Швајцарскиот прехранбен гигант, Nestle ги продава северноамерикансите брендови на флаширана вода на американски инвестициони компании за 4,3 милијарди долари.
Nestle е меѓу најголемите играчи на северноамериканскиот пазар на безалкохолни пијалаци. Неговите осум брендови, вклучувајќи ги Poland Spring и Deer Park, во 2019 година генерираа 3,4 милијарди долари приходи.
Компанијата одлучи да ги продаде на инвестиционите компании One Rock Capital Partners и Metropoulous & Co. Специјализирани за бизниси со храна и пијалаци.
“Продажбата ќе ни помогне повеќе да се фокусираме на нашите меѓународни премиум брендови, локална природна минерална вода и висококвалитетни здрави производи за хидратација“, изјави Марк Шнајдер, извршен директор на Nestle.
Меѓу глобалните премиум брендови на Nestle поврзани со флаширана вода ги вклучуваат Perrier и San Pellegrino.
Фото: Pexels