Jaguar Land Rover требаше да претстави шест целосно електрични модели до 2026 година, но тие планови сега се променети
„Jaguar“, познатиот британски произведувач на автомобили, се соочува со значајна промена во својата понуда на возила. Компанијата „Jaguar Land Rover“ одлучи да ги забави своите планови за електрификација, што резултира со тоа „Jaguar“ да нема нови возила во продажба на домашниот пазар во текот на целата година.
Наместо шест нови целосно електрични модели, „Jaguar“ планира да претстави само четири до 2026-та година. Првиот од овие модели ќе биде радикалниот „GT“ со четири врати, кој ќе биде претставен како концепт во декември оваа година. Овој луксузен автомобил ќе има досег од околу 700 километри по полнењето, ќе може ултрабрзо да се полни и ќе има два електромотори со вкупна сила поголема од 575 коњски сили. Цената на овој модел се очекува да биде околу 100.000 британски фунти.
Додека развиваат нови електрични модели, од „Jaguar“ планираат постепено да ги изгаснат сите свои постоечки модели. Производството на моделите „XE“, „XF“, „F-Type“ е веќе сопрено, а до крајот ќе биде сопрено и производството на моделите „E-Pace“ и „I-Pace“. Единствен модел кој ќе остане во производство во текот на 2025-та година е „F-Pace“.
Оваа промена на стратегијата значи дека „Jaguar“ ќе влезе во период во текот на кој нема да има нови автомобили во понудата на британскиот пазар. Се очекува производството на новиот „GT“ да не започне пред 2026-та, што значи дека ќе мине околу една година без нови модели на „Jaguar“ на пазарот. Во остатокот од светот, продажбата ќе се потпре на претходно произведните модели.
