Nintendo ја купи јапонската продукциска компанија CG Dynamo Pictures и планира да ја преименува во „Nintendo Pictures“, според нивната веб-страница. Целта на новата подружница е да развие визуелна содржина користејќи Nintendo IP (интелектуална сопственост) и да се фокусира на „планирање и производство на визуелна содржина вклучувајќи CG анимација“. Dynamo соработуваше со Nintendo и претходно.
„Nintendo одлучи да купи 100% од преостанатите акции (без сопствени акции) на Dynamo Pictures и да ја направи подружница во целосна сопственост со цел да ја зајакне структурата за планирање и производство на визуелна содржина на Nintendo Group.
Сето ова оди во насока за подготовката на првиот филм на Nintendo – Super Mario Bros со Крис Прат, кој неодамна беше одложен за април 2023 година. Адаптацијата во живо на Детектив Пикачу базирана на франшизата Pokémon беше доволно успешна за да поттикне продолжение, но последното големо кино издание беше објавено во 1993 година со Super Mario Bros со Боб Хоскинс во главната улога, известува Engadget.
Филмовите и ТВ сериите засновани на IP на игри се жежок тренд во моментов, а филмовите како Sonic базирани на популарниот лик на Sega постигнуваат импресивен успех. Sony неодамна објави филм Uncharted, а HBO продуцира ТВ серија базирана на „The Last of Us“ со Педро Паскал во главната улога.
Со најновата аквизиција, Nintendo можеби ќе биде подготвен да донесе повеќе од својата содржина на малите и големите екрани, што може да биде добра вест за љубителите на неговите игри.
