Нова љубљанска банка (НЛБ), во согласност со словенечката влада донесе одлука акциите во Меркатор да му ги продаде на хрватскиот концерн Агрокор, јавуваат словенечките медиуми.
Неофицијално и Банка Цеље се согласила на продажба на акциите.
Словенечко Дело пишува дека сега веројатно и другите членови на продажниот конзорциум составен од банки и групата Пивоварна Лашко ќе се согласат со продажбата на 53% акции во Меркатор. Дело додава дека во завршните преговори, Агрокор на акционерите во најголемиот словенечки трговски ланец им понудил по 120 евра за акција.
Конзорциумот кој поседува 53% од акциите на Меркатор го сочинуваат Пивоварна Лашко, Пивоварна Унион, Раденска, НЛБ, НКМН, Горењска банка, Банка Копер, Банка Цеље, Хипо Апле – Адриа, НФД, НФД Холдинг и Први фактор Белград.
