Нобеловата награда за хемија им беше доделена на научниците Мунги Бавенди, Луис Брус и Алекси Екимов за нивната работа на ситни квантни точки, фундаментален пробив во нанотехнологијата.
Денешното доделување на Нобеловата награда го најави Ханс Елегрен, генерален секретар на Шведската кралска академија на науките.
Квантните честички имаат уникатни својства и ја шират својата светлина во секојдневните уреди што ги користиме, на пример, од телевизиски екрани и од ЛЕД-светилките.
„Овие ситни честички имаат уникатни својства и сега ја зрачат својата светлина од телевизиските екрани и LED светилките. Тие катализираат хемиски реакции и нивната чиста светлина може да го осветли туморското ткиво за хирургот“, соопшти Кралската шведска академија на науките, која ја објави наградата во Стокхолм.
