📽Норвешка гради еден од најамбициозните европски инженерски проекти

Норвешка гради еден од најдолгите и најдлабоките подводни тунели во светот, еден од најамбициозните инженерски проекти во Европа, кој се очекува да ја подобри сообраќајната поврзаност. Тунелот Рогаланд или Рогфаст ќе биде долг 26,7 километри, а најдлабоката точка ќе биде на 390 метри.

Кога ќе се изгради, што треба да биде летото 2033 година, времето на патување меѓу два големи норвешки града Ставангер и Берген ќе биде пократко за 40 минути, пренесува Klix.ba.

Тунелот ќе биде дел од главниот европски автопат Е39, чија траса исто така минува долж западниот брег на Норвешка. Со поврзување на градовите како Кристијансанд, Ставангер и Хаугесунд, нема да има потреба од превоз со траект.

– Ставангер е четврти по големина град во Норвешка, а Берген е втор, па се надеваме дека времето на патување ќе биде скратено за работниците кои секојдневно патуваат во Ставангер или Берген – изјави проект менаџерот на Рогаланд во Норвешката управа за јавни патишта, Одвар Кармо.

Изградбата на овој тунел, која се одвива етапно, ќе чини две милијарди евра. Работите започнаа во 2018 година и беше изграден половина тунел.