Американскиот берзански брокер Питер Шиф тврди дека биткоинот нема вредност и дека дигиталниот токен е на работ на нов пад.
Тој на Твитер напиша дека најдобрата криптовалута е на пат да падне до 10.000 долари или дури и пониско.
Here is a long-term chart of #Bitcoin. Imagine how bad this chart will look once Bitcoin beaks below $30K. A drop to $10K would seem like a lock, but there’s no reason to believe that level would hold up as a permanent floor. If this double top completes, the real floor is zero! pic.twitter.com/dBfJTgb0xe
— Peter Schiff (@PeterSchiff) February 13, 2022
„Ова е долгорочен графикон. Замислете колку лошо ќе изгледа оваа табела кога биткоинот ќе падне под 30.000 долари“, напиша Шиф на Твитер во неделата.
Шиф, извршниот директор на компанијата „Euro Pacific Capital“, често ги критикуваше криптовалутите, тврдејќи дека биткоинот е огромен шпекулативен балон што ќе експлодира, а луѓето што го купуваат сега ќе чуваат празна торба, пренесува RT.
Економистот, најпознат по тоа што предвидуваше финансиски крах во 2008 година, објави пред две години дека не може да пристапи до неговите биткоин средства откако неговиот дигитален паричник престана да ја прифаќа неговата лозинка. Истакнувајќи дека тоа „не е голема трагедија“, тој рече: „Знаев дека поседувањето биткоин е лоша идеја, едноставно никогаш не сфатив дека ова е толку лошо!“.
Биткоин изгуби повеќе од 25 отсто од својата вредност откако достигна највисоко ниво од над 68.000 долари во ноември. Аналитичарите велат дека најпознатата криптовалута почнала да се опоравува по тримесечен пад, но можеби сè уште не излегла од кризата.