Огромното мнозинство од светските огласувачи со најголеми буџети престанаа да се рекламираат на платформата Х, откако Илон Маск ја презеде компанијата, односно поранешниот Твитер.
За тоа сведочат последните податоци кои за Business Insider ги достави маркетинг консултантската куќа „Ebiquity“. Фирмата, всушност, работи со 70 од 100-те најдобри огласувачи и вели дека само двајца нејзини клиенти купиле реклами на X минатиот месец.
Тоа е помалку од 31 бренд што се рекламираа на платформата во септември минатата година, пред Маск да ја преземе функцијата. Податоците покажуваат дека бројот на клиенти на Ebiquity кои се рекламираат на X постојано се намалува од октомври 2022 година, но не сака да ги именува тие огласувачи.
Сепак, познато е дека негови клиенти се Google, Walmart, Vodafone, General Motors и други.
Компанијата извлече податоци за X од нејзината единица за решенија за дигитални медиуми, преку која собира податоци за инвестициите во дигиталните медиуми.
Ова е пад што досега не сме го виделе за ниту една голема платформа за рекламирање – рече Рубен Шреурс, главен директор за стратегии на Ebiquity.
Од друга страна, анализата на фирмата е во спротивност со изјавите на извршната директорка на X платформата Линда Јакарино, која во интервју минатиот месец рече дека „90% од топ 100 огласувачи се вратиле на X, само во последните дванаесет недели“.
Во истото интервју таа ги наведе Visa, Nissan и AT&T како брендови кои, меѓу 1.500 други, продолжија да се рекламираат.