Нови проблеми за iPhone 14

90

Apple се соочи со нови проблеми во производството на телефони од серијата iPhone 14.

Сè поблиску е  официјалното претставување на серијата iPhone 14.

Иако сè уште не го знаеме точниот датум кога ќе биде претставен, голема е веројатноста тоа да се случи во септември оваа година.

Значи, до претставувањето на серијата остануваат уште околу 35-45 дена, а Apple се соочи со нови проблеми во производството на моделот iPhone 14.

На почетокот на мај се појави информација дека Apple има проблеми со производството на моделот iPhone 14, по воведените ограничувања во Кина поради коронавирусот.

Дополнително, познатиот аналитичар Минг-Чи Куо објави дека добавувачите на екранот на iPhone и RAM меморијата имале проблеми со квалитетот.

Сепак, се чини дека Apple ги реши овие проблеми, но се појави нов.

Тоа се однесува на квалитетот на уредот, или на дел од уредот.

Добавувачот на Apple, Genius, кој ги произведува задните леќи на iPhone 14, наишол на проблеми со квалитетот со овој дел од телефонот.

Куо вели дека е проблем со квалитетот на облогата, поради што Apple мора да насочи 10 милиони нарачки на друг производител, поточно Ларган.

Проблемот е што стаклото на камерата пука или се крши.

Куо тврди дека Genius има два месеци да го реши проблемот, а ако не го стори тоа, Ларган ќе добие повеќе нарачки од Apple за производство на овој дел од телефонот. Сепак, Apple нема да го одложи претставувањето на серијата iPhone 14, наведува Куо.

Серијата iPhone 14 ќе се состои од четири модели – iPhone 14, iPhone 14 Max (iPhone 14 Plus), iPhone 14 Pro и iPhone 14 Pro Max.

Оваа година разликата помеѓу обичните и Pro моделите ќе биде значително поголема отколку што беше досега.