Паметните телефони повеќе не се врвна и најмодерна технологија. Моментално паметните часовници и сличните додатоци кои се носат се новите фенси играчки кои сите ги посакуваат.
Една од компаниите која ги дизајнира овој танаречен хај тек накит е Christophe & Co.
Овој британски бренд сега ја претстави својата колекција паметни бразлетни Armill која состои од три дела Virtus, Orion и ексклузивната Apollo.
Откако го добија посакуваниот изглед, Christophe & Co. ангажираа едно познато име од светот на луксузот, италијанската компанија Pininfarina, која на накитот му даде една класична мажественост.
Моментално не е сосем дефинирано што точно можат да прават овие бразлетни, на кои нема екран, но најверојатно истите користат Bluetooth и комуницираат со уредите во близина.
Серијата е ограничена, па така Virtus ќе биде произведен во 300 парчиња, Orion во 100, додека Apollo верзијата во само 25 парчиња.
Virtus ќе чини 75.000, Orion 93.000, а Apollo 149.000 долари.
