Цените на нафтата на светските пазари не се поместија значително минатата недела, по големиот пад една недела претходно, бидејќи најновите проценки на Меѓународната агенција за енергетика (International Energy Agency – IEA) укажуваат на забавување на побарувачката на нафта поради континуираното ширење на делтата од коронавирусот.
Барел нафта од типот брент на лондонскиот пазар минатата недела падна за 0,15%, на 70,59 долари, забавувајќи го неговиот пад откако потона за 6% една недела претходно, што е најголем пад на цената во последните четири месеци.
Во меѓувреме, на американскиот пазар, цената на барел нафта порасна 0,2 % до 68,44 долари минатата недела, стабилизирајќи се откако потона за 7% една недела порано, најмногу во последните девет месеци.
На почетокот на минатата недела, цените на нафтата донекаде закрепнаа, но повторно паднаа во четвртокот и петокот. Имено, IEA во четвртокот објави дека побарувачката опаднала за 120.000 барели дневно во јули и предвиде дека побарувачката ќе расте со побавно темпо во втората половина од годината.
Фото: Pixabay