Објавено е новото, 16-то по ред издание на глобалниот индекс за иновации, во кое се вклучени 132 земји и 100 најдобри светски научно-технолошки кластери, а на листата е и Хрватска. Глобалниот индекс на иновации го претстави Светската организација за интелектуална сопственост, а според нивните податоци, Швајцарија е на првото место на оваа листа 13-та година по ред.
На второ место сега е Шведска, која споредено со претходната година ги престигна САД кои сега се третопласирани. На четвртото и петтото место следат Обединетото Кралство и Сингапур, а листата на првите десет земји ја комплетираат Финска, Холандија, Германија, Данска и Република Кореја. Меѓу другите интересни податоци, треба да се споменат Кина на 12-то и Јапонија на 13-то место, додека Македонија го зазеде 54-то место.
