Македонскиот пасош е рангиран на 41- во место меѓу најмоќни пасоши во светот за 2026 година, според новообјавениот индекс на Henley Passport Q2, кој рангира 199 пасоши во светот во однос на тоа во колку земји можат да патуваат без виза, објавува светското туристичко списание Conde Nast Traveler. Истото место го делиме со Црна Гора каде без виза може да се патува во 127 земји.
Со наслов „Колку е моќен вашиот пасош?“, глобалното туристичко списание претставува ново рангирање на пасоши за 2026 година, имено индексот на Henley Passport Q2, објавен на 1 јули, од консултантската фирма Henley & Partners, за кое се наведува дека е најцитираното рангирање на пасоши.
Листата е базирана на ексклузивни и официјални податоци на Меѓународната асоцијација за воздушен транспорт (IATA), а одлучувачки фактор за рангирањето на моќта на пасошите е тоа колку земји се достапни со неа без виза за граѓаните на една нација.
Од земјите во регионот најдобро стојат Грција на 5-то место, Словенија на 7-мо место и Хрватска чиј пасош е рангиран на 8-мо место меѓу 20-те најмоќни пасоши во светот за 2026 година.
Првото место го задржа во 2026 година сингапурскиот пасош, со кој носителите моментално можат да патуваат без виза до вкупно 192 од 227 дестинации низ целиот свет, што исто така им дава повеќе неограничен пристап до патување од кое било друго место во светот.
Второто место го држат Јапонија, Јужна Кореја и ОАЕ, кои се искачија од осмото на ова делено второ место, а со пасошите на овие земји, можете да патувате во 188 земји без виза, пренесува Хина.
Со шведските пасоши можете да патувате само во една земја помалку, 187, без виза, додека на четвртото место е групата земји чии пасоши ви дозволуваат да посетите 186 земји без виза – Белгија, Данска, Финска, Франција, Германија, Ирска, Италија, Луксембург, Холандија, Норвешка и Шпанија.
Петтото место го делат Австрија, Грција, Малта, Португалија и Швајцарија, со можност нивните граѓани да патуваат во 185 земји без виза, а на шестото место е британскиот пасош, со кој, како и оние на Унгарија и Полска, можете да посетите 184 земји без виза.