Од денеска нема веќе гас од Русија за холандската компанија ГасТера

26

Холандската компанија „ГасТера“ соопшти дека од денеска нема да добива гас од руски Гаспром, откако одби да се согласи со барањата на Москва за плаќање во рубљи.

Гас Тера, која купува и продава гас за холандската влада, објави дека договорила од друго место да набави две милијарди кубни метри гас, што требаше да ги добие од „Газпром” во октомври.

„Одлуката нема да има никакви последици на испораката на гас во холандските домаќинства”, објави холандскиот министер за енергетика Роб Јетен на Твитер.

Во соопштението на „Гас Тера” се наведува дека холандската компанија одлучила да не ги прифати руските услови, вклучително и отворање сметка за плаќање во евра, кои потоа ќе се заменат за рубљи.

„Газпром” најави дека прекинот на испораките на гас на „Гас Тера” ќе продолжи се додека исплатата не се изврши на начин што го предлага Русија.