Уделот на автомобилската компанија Тесла на европскиот пазар повторно падна, по новиот бран протести против извршниот директор на таа компанија Илон Маск, покажуваат податоците на Европската асоцијација на производители на автомобили (ACEA).
Уделот на компанијата на пазарот на автомобили во Европската унија, Велика Британија и трговската зона на ЕФТА (Исланд, Лихтенштајн, Норвешка и Швајцарија) падна на два отсто во март, од 2,9 отсто во март минатата година.
Оваа година, уделот на Tesla на тие пазари падна на 1,6 отсто од 2,5 отсто во периодот јануари-март минатата година.
Споредено со првиот квартал од 2024 година, продажбата паднала за 37 отсто во првиот квартал од оваа година, од 86.027 на 54.020 продадени модели, во време кога вкупната продажба на електрични автомобили во Европа се зголемила за речиси 24 отсто.
На почетокот на оваа недела од Tesla беше објавено дека има пад на добивката во првиот квартал од тековната година.
Во последните недели во САД и низ Европа се одржуваат протести против Маск и Тесла, што доведе до негативни реакции кај потенцијалните купувачи во Европа и некои сопственици на автомобили на компанијата, пишува Гардијан.
Како што пренесува британскиот весник, покрај протестите против Маск, пад на профитот бил предизвикан и од застарените линии на модели и зголемената конкуренција од конкурентските производители како што е кинескиот BYD.