Од европските земји Албанија со најбрзо закрепнување на туристичкиот сектор

23

Според истражувањето на британскиот портал money.co.uk, со постепеното отворање на границите и укинувањето на ограничувањата за патување во земјите ширум светот, туристичката индустрија е на пат целосно да закрепне по двегодишната пандемија.

Порталот money.co.uk го спореди бројот на туристи пред пандемијата во 2019 година со податоците од 2021 година за да измери каде најбрзо закрепна туристичката индустрија и кои земји беа најтешко погодени од пандемијата.

Закрепнувањето беше најбрзо во Албанија, со стапка на закрепнување на туризмот од речиси 90 отсто. Во 2021 година Албанија ја посетиле 5,3 милиони туристи, што е приближно бројката од 2019 година (5,9 милиони). На светската листа високо котира и Албанија, каде што е на второто место, по Бахреин.

На второ место во Европа е Луксембург, со 700.000 туристи минатата година, што е 70 отсто од нивото на предпандемијата. Луксембург изгуби само половина од својот вообичаен туристички обем кога започна пандемијата во 2020 година. Луксембург се најде на седмото место на светската ранг-листа.

Исланд, познат по вулканите, гејзерите, топлите извори и полињата со лава, имал 1,3 милиони туристи во 2021 година, 35 отсто помалку отколку во 2019 година.

Црна Гора е на четврто место, со 1,6 милиони туристи (64 отсто од вкупниот број во 2019 година), што е значителен скок во споредба со 2020 година, кога имаше само 400.000.

Со стапка на закрепнување од 60,9 отсто и 10,6 милиони туристи во 2021 година, Хрватска го зазеде шестото место, а на светската листа Црна Гора е на 10-то,  Хрватска на 12-то место, а Србија на 9-то место.

Австрија, која е на 10-то место меѓу европските земји, лани имала дури 12,7 милиони туристи, но тоа е сепак нешто повеќе од половина од туристичките посети во 2019 година (22,7 милиони).

Најбавно закрепнување на туристичкиот сектор во Европа имаше во Естонија, Финска, Холандија, Германија и Малта.

Европските земји каде туризмот најбрзо закрепнува

1 Albania 5.9 2.5 5.3 89.80%
2 Luxembourg 1 0.5 0.7 70.00%
3 Iceland 2 0.5 1.3 65.00%
4 Montenegro 2.5 0.4 1.6 64.00%
5 Andorra 3.1 1.9 1.9 61.30%
6 Croatia 17.4 5.5 10.6 60.90%
7 Turkey* 51.2 15.9 29.9 58.40%
8 Bulgaria 12.6 2.7 7.2 57.10%
9 Serbia 1.6 0.4 0.9 56.30%
10 Austria 22.7 15.1 12.7 56.00%