Еден од лидерите на новоформираниот Секретаријат за владина ефикасност во администрацијата на новоизбраниот американски претседател Доналд Трамп, Илон Маск објави оглас за вработување во кој бара „револуционери со висок коефициент на интелигенција“ кои се подготвени да работат 80 часови неделно без надомест, објави Гардијан.
Тој на својот профил на X мрежа напиша: – Не ни требаат повеќе генератори на идеи со скратено работно време. Потребни ни се мали владини револуционери со супервисок коефициент на интелигенција, кои се подготвени да работат 80+ часа неделно под негламурозно намалување на трошоците.
Тој додаде дека заинтересираните треба да испратат CV на неговиот профил на мрежата Х, додавајќи дека и неговиот колега ќе разгледа дел од апликациите.
We are very grateful to the thousands of Americans who have expressed interest in helping us at DOGE. We don’t need more part-time idea generators. We need super high-IQ small-government revolutionaries willing to work 80+ hours per week on unglamorous cost-cutting. If that’s…
— Department of Government Efficiency (@DOGE) November 14, 2024
– Навистина, ова ќе биде напорна работа, ќе создадете многу непријатели, а нема да имате надомест. Колку голема работа! – напиша Маск и додаде насмеан емотикон.
Маск претходно ја објави својата цел да ја намали федералната бирократија за една третина и да заштеди 2 милијарди долари за американската влада, велејќи дека таквиот потфат нужно ќе бара поминување низ „привремени тешкотии“.
Претходно оваа недела, новоизбраниот американски претседател Доналд Трамп го објави назначувањето на Маск и Рамасвами за лидери на новиот Секретаријат за ефикасност на владата, објави Euronews.
