Сопственикот на Твитер Илон Маск рече дека регистрацијата на нови корисници на таа социјална мрежа е рекордна и се зголемува и покрај масовното заминување на огласувачите и корисниците.
Огласувачите на Твитер, вклучително и големите компании како Џенерал Моторс, Монделез Интернешнл, Фолксваген АГ, го паузираа рекламирањето на платформата, пренесува Ројтерс.
Маск рече дека имало „голем пад на приходите“ од повлекувањето на огласувачите, обвинувајќи ги групите за човекови права кои вршеле притисок врз главните огласувачи да преземат акција доколку Маск не ја заштити умереноста на содржината.
Се верува дека стотици вработени на Твитер ја напуштиле компанијата, по ултиматумот на Маск за вработените да се пријават за прекувремена работа со „висок интензитет“ или да си заминат.
Компанијата отпушти половина од својата работна сила претходно во ноември, вклучувајќи тимови задолжени за комуникации, човекови права и вештачка интелигенција, како и инженерски тимови.
