Профитот на Ферари скокна во првиот квартал за 24 отсто, на 297 милиони евра, со 10 отсто пораст на испораките. Скокот на профитабилноста беше поттикнат од огромната побарувачка за најновите модели.
– Нашата книга за нарачки веќе се протега до 2025 година – рече извршниот директор Бенедето Виња во соопштението.
Приходите и профитот на Ферари сериозно ги надминаа проценките на Волстрит, а компанијата ги задржа оптимистичките насоки за целата година.
Оваа ситуација во голема мера настанала поради различните модели кои моментално се во продажба, но и поради никогаш поголемата можност за персонализирање на автомобилот, односно долгата листа на опции кои може да се додадат на основниот модел, а кои ја зголемуваат цената за неколку стотици илјади долари,пишува CNBC.
Ферари испорача 3.567 возила во првиот квартал, што е за 10 отсто повеќе од претходната година. Се вели дека зголемувањето на испораките е поттикнато од големата побарувачка за неговиот кабриолет Portofino M, 296 GTB хибриден спортски автомобил и 812 Competizione, ограничено издание и уште побрзата верзија на неговиот дванаесетцилиндричен предводник, 812 Superfast.
Ферари соопшти дека почнал да го зголемува производството на својата најнова икона со седум цифри, Daytona SP3, во првиот квартал. Планира да произведе само 599 свои автомобили, со почетна цена од нешто повеќе од 2,2 милиони долари и сите 599 единици се веќе продадени.
И покрај долгата листа на чекање, Виња рече дека Ferrari повторно ги отворил книгите за нарачки за својот нов Purosangue, модел сличен на SUV со V12 мотор со почетна цена од околу 400.000 долари. Ферари привремено престана да прима нарачки за овој модел, поради неочекувано големата побарувачка.
Фото: Facebook
