Социјалната мрежа Facebook на своите корисници им нуди можност да се навраќаат наназад и да разгледуваат стари фотографии или статуси. Станува збор за опцијата On this day, што им помага на корисниците на оваа социјална мрежа да погледат што постирале на нивниот личен профил, пишува Facebook newsroom.
Корисникот преку оваа опција може да види како на денешен ден пред една, две или повеќе години споделил фотографија или статус, а ќе има можност истото да го сподели со виртуелните пријатели за да им ги освежи сеќавањата.
