Странски туристи, особено оние од Западна Европа и Азија, Бугарија, Романија, Литванија и Латвија, сè повеќе ги измамуваат туристичките агенции во Србија.
Шемата на измама е следна – тие резервираат сместување онлајн, а потоа плаќаат за аранжманот со картичката, по што одат во најблиската банка и известуваат дека им е украдена картичката. На овој начин, многу од нив добиваат и бесплатни ноќевања и авионски билети, затоа што банката ги враќа парите на нивната сметка, додека измамената агенција треба да ги врати парите во банка. Многу туристички агенции се оштетени како резултат на овие измами, а една агенција претрпела штета од 8.500 евра вели за Kurir rs, директорот на Националнaта асоцијација на агенции за патувања, Александар Сеничиќ.
“Најголем проблем се оние измами што се случуваат при онлајн најави или купување од странство. Се случува да се направи резервација, се резервира авио билет, комплетен аранжман или сместување во објект и испраќаат картичка или број на картичка или физички изглед на картичката. Некои од нашите агенции имаат апарат обезбеден од поединечни банки за ПОС терминал, што во основа овозможува трансакција без присуство на индивидуа. Најчесто добивате овластување. Значи, тие пари одат на вашата сметка и потоа по четири или пет дена се појавува барање од банката што ја издала картичката дека кражбата е пријавена, а потоа нашите банки ги повлекуваат тие пари од вас или агенциите“, вели Сеничиќ.
Тој советува дека картичката треба да послужи како резервација, а гостите да го платат аранжманот на лице место.
Фото: Pexels
