Земјите од ОПЕК + во четвртокот се согласија да ги намалат испораките на нафта по крајот на тековната година за дополнителни милиони барели дневно, како придружба на очекуваното продолжување на доброволните намалувања од Саудиска Арабија за уште еден милион барели дневно.
Членовите начелно се согласиле со овој предлог, за кој ќе гласаат делегатите, велат извори од виртуелниот состанок на ОПЕК+, кои инсистирале на анонимност, пренесува Блумберг.
Извори на агенцијата Ројтерс потврдија дека е постигнат „принципиелниот“ договор, наведувајќи дека за него ќе се гласа на целосната средба на ОПЕК+. Кога станува збор за спецификите на договорот, се наведува дека Алжир се согласил да го намали производството на нафта во јануари за 50.000 барели дневно, Русија за 500.000 барели дневно, додека Саудиска Арабија ќе продолжи да произведува милион барели нафта помалку секој ден.
На почетокот на министерскиот состанок (JMMC), делегатите им рекоа на медиумите дека ОПЕК + би можел да разговара за подлабоки намалувања на производството на нафта во првиот квартал од 2024 година и дека вкупното намалување на производството може да достигне близу два милиони барели дневно за поддршка на цените.
Цените на нафтата пораснаа за повеќе од еден процент на денот на состанокот, а по објавувањето на договорот, цените брзо забрзаа на повеќе од 1,5 отсто. Конечната одлука за планот за производство во 2024 година ќе биде донесена на онлајн состанокот на ОПЕК + во целосен формат.