Седумте членки на групата ОПЕК+ би можеле да го зголемат планираното ниво на производство на нафта за 188.000 барели дневно во јули. Тоа би било идентично со зголемувањето што веќе е одобрено за јуни.
Ова прашање треба да се дискутира на 7 јуни на состанок на претставници на земјите-членки, но конечната одлука сè уште не е донесена. Седум клучни членки на ОПЕК+, вклучувајќи ја и Русија, ги зголемија квотите за производство за речиси 600.000 барели дневно од април до јуни, објави Ројтерс повикувајќи се на извори.
Сепак, и покрај формалното зголемување на квотите, вистинското производство значително се намали поради наглиот пад на извозот од земјите од Персискиот Залив. Вкупното производство на нафта се намали од 42,77 милиони барели дневно во февруари на 33,19 милиони барели дневно во април.
Според податоците за април 2026 година, земјите-членки на ОПЕК произведоа вкупно 20,55 милиони барели нафта дневно, што е најниско ниво во последните 36 години.
Дополнителен удар за организацијата беше повлекувањето на Обединетите Арапски Емирати од ОПЕК на почетокот на мај. ОАЕ беа трет најголем производител на нафта во рамките на организацијата во однос на обемот на производство, па нивното заминување дополнително го менува балансот на моќ на глобалниот енергетски пазар.
