Сега е сезона вработените во „Мајкрософт“ да дознаваат за зголемувањата на платите и бонусите – и стотици од нив решија да споделат информации за своите заработки во табела до која дојде „Бизнис инсајдер“.
Документот содржи повеќе од 850 самовнесени податоци на вработени кои откриле колку заработуваат од основна плата, бонуси и промотивни награди. Транспарентноста на заработката е особено важна во време кога „Мајкрософт“ се обидува да ги привлече најдобрите инженери и истражувачи за вештачка интелигенција за да го одржи својот низ на рекордни профити.
Компанијата отпушти илјадници работници оваа година, но во исто време продолжува да нуди мултимилионски пакети за вработените во областа на вештачката интелигенција, со цел да ја одржи предноста во однос на конкурентите како „Мета“.
Анализата на податоци од „Бизнис Инсајдер“ разгледа речиси 300 апликации од работни места за софтверско инженерство во САД за да се дојде до просечни распони на плати по позиција и тим.
Според табелите, основните плати се движат од околу 120.000 долари годишно на пониски инженерски нивоа (Ниво 59) до повеќе од 250.000 долари на повисоки нивоа (Ниво 67). Покрај тоа, бонусите достигнуваат до 80.000 долари, додека промотивните награди честопати надминуваат 200.000 долари.
Најплатените тимови се оние во одделот Облак + вештачка интелигенција, каде што просечната основна плата е над 200.000 долари, додека во секторите Трговија + Екосистеми и Безбедност просекот надминува 190.000 долари.
Иако ова се независно објавени податоци, кои не се официјални, тие јасно покажуваат силна конкуренција на пазарот и подготвеност на Microsoft да инвестира во таленти, особено во областите поврзани со вештачката интелигенција.