Шефовите во кујна имаат големи одговорности, почнувајќи од подготовка на храна сè до нејзино сервирање пред гостите. Некои од нив успеале да направат планетарен успех, да бидат насекаде познати и да заработат многу пари.
Според Wealthy Gorilla, најбогат шеф е Алан Вонг, со сметка од над милијарда долари. Вонг е еден од 12-те сопственици на Hawaii Regional Cuisine, компанија чија цел е промоција на локални намирници и создавање на нова американска кујна. Тој, исто така, е сопственик на неколку ресторани на Хаваи и еден во Јапонија, што имаат најголем придонес во неговото богатство. Добитник е на бројни награди.
Втор меѓу најбогатите шефови е Британецот Џејми Оливер со богатство од 400 милиони долари. Сопственик е на ланец на ресторани, креатор на кулинарски емисии и автор на книга за готвење.
Со богатство проценето на 220 милиони долари, трет најбогат шеф е уште еден Британец – Гордон Ремзи. Неговото богатство е благодарение на неговите ресторани, телевизиски шоуа, книги, лиценци и спонзорски договори.
Фото: Pexels