Најсовремената технологија има за цел да обезбеди кралска удобност и навистина успева.
Станува збор за Bentley и неговиот систем Airline Seat Specification, кој моментално се нуди исклучиво на продолжениот Bentaygi EW (Extended Wheelbase). Од Bentley велат дека ова се „најнапредните седишта некогаш инсталирани во автомобил“, пренесe Index.
Имајте на ум дека зборуваме за задните седишта. Тие се прилагодливи во дури 22 насоки преку посебно прилагодување на поединечните сегменти, од површината за седење до потпирачот за глава. Има и електрично контролиран потпирач за нозе кој излегува од потпирачите за грб на предните седишта, а корисникот може да смета на системот за климатизација и масажа, кој го обезбедуваат 12 електромотори и три контролирани пневматски единици.
Верувале или не, во развојот на овие седишта учествувале и хиропрактичари, се со цел да дизајнираат систем кој ќе овозможи оптимална положба, но и одмор на остатокот од телото на патникот. Беа создадени алгоритми за управување со 177 различни промени на притисокот на шест независни зони. Со тоа се постигнува ефект на регенерација и релаксација на телото додека возите.
А кога зборуваме за клима, на системот сега му требаат само 25 милисекунди за да открие промена на влажноста и температурата од 0,1 степени. Во зависност од потребата, се активираат греењето, ладењето и вентилацијата на седиштата, кои се управуваат преку една од седумте достапни програми за работа. Во исто време, една програма служи за намалување на телесната температура ако патникот има покачена телесна температура.
И на крајот ќе речеме дека овој систем, и покрај високата цена на автомобилот, се испорачува исклучиво како дополнителна опрема.
