На европските берзи во понеделник наутро индексите паднаа бидејќи инвеститорите не се склони кон поризични инвестиции поради ескалацијата на кризата на Блискиот Исток.
Индексот STOXX 600 на водечките европски акции, пишува Hina, падна за 0,3 проценти во 9:30 часот наутро.
Во исто време, лондонскиот FTSE индекс падна за 0,13 проценти, на 8.765 поени, франкфуртскиот DAX за 0,21 процент, на 23.300 поени, а парискиот CAC за 0,46 проценти, на 7.555 поени.
Азиските берзи исто така тргуваат претпазливо, а позитивно на берзите во Заливот.
Индексот MSCI на акциите во Азиско-пацифичкиот регион падна за околу 0,3 проценти во 9:30 часот наутро.
Во исто време, цените на акциите во Јапонија, Австралија и Јужна Кореја паднаа помеѓу 0,1 и 0,4 проценти. Сепак, во Шангај и Хонг Конг тие се зголемија за околу 0,6 проценти.