Падна цената на гасот во Европа

95

Цената на гасот во Европа падна на две илјади американски долари за илјада кубни метри во текот на денешното тргување, покажуваат податоците на лондонската берза ICE.

Цената на гасот падна за осум отсто од почетокот на првиот трговски ден во неделата, пренесува Мина. Октомвриските фјучерси на холандската берза за гас ТТФ паднаа на 2.003 долари за илјада кубни метри, или 190,03 евра за мегават-час (MWh).

Цената на гасот паѓа бидејќи резервите на гас во европските складишта се приближуваат до максималното ниво, кое во моментов изнесува околу 83,5 отсто од капацитетот. Земјите од Европската унија претходно се обврзаа да за зимската сезона 2022-2023 г. обезбеди најмалку 80 отсто од капацитетот за складирање и 90 отсто за сите идни зимски сезони.